MI拍到第6集，是挑戰演藝界厭舊喜新的「不可能任務」。歷經22載，靚湯已由青靚小生變身神臂大叔嗎？放心，靚湯保養得宜，眼肚雖然難掩蓋，但56歲的人生滄桑味，只會增加亮點。神臂，倒是真的，電影宣傳做到滴水不漏，人盡皆知靚湯做多過講，真身落場，一雙神臂既能跳傘飛車又能引體爬上直升機，最後以神臂貼住懸崖峭壁，這個大叔搏到盡，電影內外，真假交替，一眼睇晒，靚湯，由頭到尾都落堅料，無添加，無防腐，啖啖心機。真心的，看湯哥特意拍短片對台灣觀眾交心就知，他稱台灣做Taiwan，正常不過，沒有為了大陸票房，雙膝跪叩。如果湯哥轉行，建議跳入熱廚房，做他的真靚湯廚神，這煲湯，22年夠陳，夠老火，夠窩心。
「不可能」變可能，靚湯升呢變湯神。同樣在九七前發功的黃子華，也把棟篤笑推向不可能任務的至高境界。子華神宣告金盆