將於2020年投入服務嘅中文大學教學私家醫院「中文大學醫院」，醫院管理層陸續曝光。據了解，中大醫學院副院長、內科及藥物治療學系教授胡志遠，已經就任中大醫院營運總監（COO），其中一項最重要嘅工作，就係邀請已出私家執業嘅中大校友同埋公立醫院退休醫生加盟，幫新醫院組班，同行政總裁馮康醫生拍住上。
胡志遠係著名腸胃科專家，主力研究功能性腸胃病同胃酸倒流病等，先後做過醫學院臨床同發展副院長，係院長陳家亮嘅左右手，仲成立咗香港中西醫結合醫學研究所，喺西醫主導嘅醫院內加入中醫合作診症元素。由醫學院轉去搞新醫院，中大前校長祖堯BB都喺社交平台留言，話對佢好有信心。
前日正式返新工嘅胡志遠就謙稱，自己只係醫院小薯仔（small potato），又話返新工以外，會保留中大教授職位，每周繼續返去威爾斯親王醫院教學生，亦會繼續睇症咁話。
李八方