鍾意投訴嘅領隊有難喇！英國《BBC》報道，英超球隊嘅領隊由今季（2018/19）開始，如果喺技術區域內行為不檢，可能會俾球證出示黃牌，甚至紅牌。據報，英超球隊主帥做出不負責任嘅行為嘅話，就會俾球證口頭警告，不過喺英格蘭足總盃、聯賽盃同埋或低組別嘅聯賽都咁做嘅話，就可能會被出示黃、紅牌，累積四張黃牌就會被罰停賽一場。點先會被警告呢？如果領隊使用唔恰當嘅言語、向裁判做出唔恰當嘅肢體動作、踢或掟水樽、以諷刺嘅方式拍掌，同埋向裁判投訴要警告對方球員，球證就可能會畀牌喇。另外，球員停賽亦只會喺相關嘅賽事執行，有別於以前跨賽事執行停賽嘅做法。