日裔香港柔道館館長岩見龍馬感慨現今社會人與人之間嘅隔閡日深，缺少咗關懷同互信，不過上星期四（26號）朝早10點半，佢返公司行經銅鑼灣鬧巿嗰陣，見到一幕令佢好窩心嘅畫面，一個身形矮細嘅銀髮婆婆，旁邊有一位着制服嘅女警，彎低腰幫婆婆推住架堆滿紙皮嘅手推車過馬路。
回收舖職員︰佢係全街最好
嗰度係禮頓道近銅鑼灣道嘅行人過路處，岩見喺影低女警同婆婆嘅背影，將相片上傳fb，以英文寫道：「This is Hong Kong Police, and I am so proud of you.（這是香港警察，我為你感到驕傲）」，唔少網民留言「師姐你好嘢」、「真。公僕」等。據知，好心女警駐守跑馬地警區巡邏小隊第4隊，姓邱，洋名Cathy，當差已10年。
《蘋果》聯絡咗岩見，佢喺香港出世、日本讀書，之後回流返香港工作，𠵱家係香港柔道館館長。佢用廣東話同小記講，手推車堆滿紙皮好重，婆婆好瘦弱，所以見到女警幫手感到好窩心。岩見話即使喺日本，街頭都唔多見到熱心幫人嘅行為，他覺得香港警察唔只幫助本地市民，對遊客亦都好好，又有禮貌。
至於事件中嘅婆婆，佢噚日依舊喺銅鑼灣推住堆滿紙皮嘅手推車，婆婆身形瘦小，門牙都已脫落，大熱天時喺條街推住好重嘅手推車。提到上星期有女警好心幫佢推車，佢不停點頭話係。回收舖嘅男職員亦都對嗰位女警讚不絕口，話佢係成條街最好，有時都會同嗰位女警傾吓偈。
香港警察fb亦都有回應事件，話幫助市民係佢哋嘅使命，就算天氣炎熱，佢哋嘅同事都會繼續以行動去支援有需要嘅市民。
爆相爆片
#MeToo個個都要爆，但係唔一定要舉牌！只要你肯爆，無論好事、壞事、憤怒事，正嘢、衰嘢、古怪嘢，影低佢，《蘋果》幫你爆，更設爆相爆片大獎賞，除咗爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。