英格蘭世盃三號門將、效力般尼嘅尼克普比，上個禮拜喺歐霸外作客1:1逼和鴨巴甸嘅賽事中，因為同隊友達高斯基相撞後「甩臼」，只係上陣咗14分鐘就被換走。尼克普比日前接受專科檢查後，預計會接受肩部手術同埋唞三個月，最慘係另一門將湯希頓又因為大腿受傷唔踢得，搞到聯賽未開鑼只得番前紅魔門將連迪加特把守最後一關，唔知嚟緊領隊戴治會唔會再買新門將呢？