【分析告東尼】橫掃10個分級賽!大賽之王仲唔係你?

【分析告東尼】
橫掃10個分級賽!大賽之王仲唔係你?

告東尼從騎時已取得輝煌成績,96年開倉轉任練馬師,成就同樣出色,2000年首次登上冠軍練馬師寶座,其後於05年再嘗冠軍滋味,而且訓練出一代馬王「精英大師」。睇番東廐多年來排名一直位處前列,上季更勝出十項分級賽冠絕同儕,堪稱大賽之王。

雖然告東尼上季屈居蔡約翰及羅富全之後排名第三,不過若單計分級賽成績,上季合共摘下十項分級賽頭馬,包括四項一級賽香港盃、香港金盃、女皇盃及遮打盃,成為新一代大賽之王。

有「馬克羅斯」先後勝出香港盃及香港金盃兩項一級賽;另外「巴基之星」在季尾連奪女皇盃和遮打盃而成為最佳長途馬。

睇番告東尼大賽出擊往往有強勁票數支持,除了「美麗大師」屬37倍冷門外,其餘頭馬均屬五倍以下熱門,當中五駒更以大熱身份建功。展望今季,「巴基之星」、「馬克羅斯」、「時時精綵」、「勝得威」、「中華盛世」及「加州議長」方興未艾,仍有機會染指各項大賽。

除專攻大賽外,告東尼上季54場頭馬內,當中21場來自三班,乃主要頭馬來源,故此一批介乎61至80分之馬匹亦要優先留意。

其中「電路二號」煞科日閘前瘋狂落飛至啡燈,結果飛到馬到開齋,反映有人對其實力甚有信心,今季留在三班起步,有力再取頭馬。另外,「劍聶風」及「大運起」評分均比最近上名時為低,隨時可起作用。