X，阿媽，唔一定個個都係慈母，咁講竟然都會辣㷫今年24個因為不同原因犯案的差佬以外的警察，搞到「局長，唔一定個個都深感不安」。局長們個個都係食腦之人，造定金句，測試水溫，講吓呢啲，盡早適應慈母唔一定個個都係女人的政局新常態。
（一）「特首，唔一定個個都係689。」老懵董LMT唔會對號入座答嘴。煲呔入冊，有口難言。林鄭？唓，小事！（二）「牧師，唔一定個個係上帝感召。」至低限度，聖公會唔敢篤你背脊，崩口人忌崩口碗嘛，上帝點會感召去性侵教友呢。唔使感召都識入市，掃半山豪宅又唔同講法，信耶穌，做業主，毋須深感不安。（三）「社團，唔一定個個被取締。」黑社會有愛國的，甚至比警隊更愛國，唔會踩到阿爺條紅線，醒！（四）「鋼筋，唔一定支支都剪短。」紅磡站那些，簡直係中六合彩。（五）「疫苗，唔一定隻隻都假。」你的子女中伏嗎？簡直係中兩次六合彩。（六）「港獨，唔一定人人都反對/支持。」喔，睇吓你樓下有多少個黑超便衣跟蹤再講！