神戶勝利船上周六宣佈，隊中西班牙球星恩尼斯達（圖）上周六踢完對柏雷素爾場比賽後，已經直接由球場出發到機場飛返西班牙，預計要到八月初先再次歸隊，或會錯過周三作客大阪櫻花和下周日作客FC東京兩場賽事。據勝利船嘅聲明指，恩尼斯達今次離隊係為咗陪同家人搬嚟日本，不過球隊只係表示小白會喺「八月初」歸隊，並無確實日期。恩尼斯達上周六對柏雷素爾嘅賽事首度正選上陣，並協助球隊以1:0擊敗對手。