皇家馬德里上周六開始喺美國開操（圖），一班有份踢世盃嘅國腳，好似沙治奧拉莫斯同卻奧斯等都已經歸隊，係剩番殺入八強嘅五人，好似馬些路同莫迪歷等仲未放完假。皇馬將會喺香港時間周三朝早八點，上演佢哋第一場國冠盃賽事，對手係前教頭摩連奴帶領嘅曼聯，之後會繼續留喺美國，同祖雲達斯同羅馬交鋒，踢完三場熱身賽後就會返到西班牙，備戰喺8月16日上演嘅歐洲超級盃，以歐聯冠軍身份鬥上季捧走歐霸盃嘅同市死敵馬德里體育會。