前曼聯及愛華頓球星朗尼（圖）上周六終於喺美職聯（MLS）開齋，射破前隊友侯活大細龍門，協助華盛頓聯隊主場以2:1擊敗科羅拉多急流，結束兩連敗。今場係32歲嘅朗尼加盟華盛頓聯隊後，出賽四次以來第二度正選披甲，結果佢喺33分鐘接應盧斯安奴阿高斯達傳送，射破前紅魔隊友侯活大細龍門助球隊領先。急流雖然喺82分鐘由基連阿哥斯達追成平手，但去到臨完場前，烏利斯斯施古拿嘅傳球令尼基積臣擺烏龍，華盛頓聯隊最終以2:1擊敗急流。