堪稱個個都好人、絕對冇壞人嘅特區警察，需要青年人薪火相傳，連奶媽特首林鄭月娥都作出呼籲話「機會總是留給有準備的人」。話說林鄭尋日現身喺粉嶺舉行嘅香港青少年軍事夏令營結業禮，山長水遠，就可見佢幾咁關心青年人啦！佢致辭時就話，特區政府真係好重視青年工作㗎，睇吓佢同3位司長、幾位局長同署長都現身結業禮就知啦，而且5位紀律部隊首長都嚟埋，相信佢哋另有目的，就係鼓勵、吸引同學畢業後加入紀律部隊，成為優秀嘅隊員。
其實林鄭太謙喇，入咗紀律部隊點止可以成為優秀嘅隊員，直頭係加入咗團結嘅好人集團，哪怕一句警察唔係個個好人，都有一班警隊同袍立即出嚟發聲、要討回公道。