英國女星嘉莉兒佛伊（Claire Foy）憑大熱劇集《王冠》（The Crown）中飾演「事頭婆」掃走金球視后，但由於影視圈男女同工唔同酬問題嚴重，令其酬勞比扮菲臘親王嘅Matt Smith少得多。之前有傳製作公司Left Bank Pictures承諾會補發10萬英鎊（近103萬港元）畀嘉莉兒，以解決酬勞差距問題，不過嘉莉兒就話自己一蚊都冇收過：「有報道指我獲補薪，但事實是我或製作公司都從來沒有說過，那並不是事實。」
《王冠》正在拍攝第三季，劇情講到英女王已步入中年，事頭婆亦換上由Olivia Colman演出，嚟到呢季查理斯王子都會出現，並會由男星Josh O’Connor演出。