上季大約12月初，沈拿繼前季後再一次來港客串，但當時正值國際賽，高手林立，他坦言莫說機會馬，就連座騎都好難找到上陣。
他說：「以前喺巴林，遇正有啲賽馬日食『白果』冇馬騎，我返到屋企都會好唔開心。嚟到香港後，同練馬師仍未熟絡，初時就連一啲下風馬，自己都未必有得騎，所以可以想像到，我當時嘅心情係點。」
但他當時選擇堅持，而不是直接放棄，一心盡力將最專業一面，展示給本地一眾練馬師，更於天未光已開始工作，而爭取到練馬師支持。
「我當時冇打算提早解約，每朝都努力操馬，有時一日超過十匹，未天光已開始工作，用行動證明自己係好渴望留係香港發展，對贏馬好饑餓。我希望用態度打動到練馬師，我策騎佢哋嘅賽駒出賽，全盡力爭取最佳成績，藉此慢慢建立關係同信任。」
他以呂廏的「金童」作例子，指自己於上季抵埗後，已由他於晨操親試。當時馬兒降到五班，仍未入過三甲，但下半季成績大反彈，更贏兩場兼連番入圍，最後反彈上四班。
「自己感受到呢匹馬嘅進步，成功感係難以形容，亦要衷心感激呂健威和馬主嘅信任。」沈拿說。