自從賠率機進化到睇埋邊一匹馬着綠燈、邊一匹着啡燈，落飛馬已經無所遁形，畢竟現在已係資訊爆炸年代，唔少馬迷亦樂於跟風下注，搭吓落飛黨順風車。
在現役馬匹當中，不少每逢閘前落飛皆有好表現，最佳例子是沈集成馬房的「帝豪寶寶」。
此駒歷來四次大幅落飛（最後五分鐘賠率跌幅達三成）獲三冠一亞，過往在告東尼馬房時屢成落飛黨狙擊目標，今季倘再見其閘前賠率有異動就要留意。
此外，葉楚航馬房「霸勝」兩次閘前大幅落飛均掄元，亦是此駒所有頭馬紀錄。而容天鵬旗下「盈利駿馬」同樣兩次閘前落飛皆得手，若然今季又被落飛黨睇中，不妨跟番多少。