內地人恥笑香港人落伍，出街還要帶現金，他們一支手機搞定。講過佔中令香港每天損失3500億的五毛經濟教授，更大剌剌「帝」香港自己人，「內地叫雞都用支付寶啦！」
Cash is not King，三大銀行唔聽叫雞教授老點，八年後高調發新鈔，這個舊瓶新鈔剛面世，已經被網民騎劫，指以後就算有闊佬當街派錢，都會被誤當成撒溪錢！
政府中意向自己友圍威喂，親政府社團請客，政府付鈔是區議會屢見不鮮的暗黑行規。網友預視，社團派街坊的福袋中，梗會有一張飲茶鈔墊底，倒貼廿蚊雞，算什麼犯禁？飲茶，傳統中華文化喎，點取締？689參選時搞出來的小桃園社團飯敍，都係食住大茶飯而無用支付寶叫北姑外賣。喔喔喔，飲杯茶，食隻雞包啦。
新鈔中的茶煲與茶飯，有紅外線驗證，充份反映香港現況。置身茶煲trouble中的香港人，從煲呔曾到魚蛋青年，八年前真係發夢都估唔到有朝一日，會觸動「紅線」，硬食監獄大茶飯！