因為世盃令人眼前一亮打入四強，英格蘭主帥修夫基獲加薪至500萬鎊（約5,200萬港元）一年，但引嚟足球名宿菲臘利維尼嘅孖生妹妹翠絲尼維利不滿。
現年41歲嘅翠絲尼維利係棍網球嘅主帥，呢名英國人覺得修夫基嘅成功只係因為幸運，喺世界盃過程中，英格蘭並無贏過任何強隊，佢嘅薪金唔可能咁高，翠絲仲話：「我哋見到修夫基加薪，但佢對強隊嘅戰績，其實並唔好，而我哋棍網球隊就贏咗冠軍，但我嘅薪金依然唔及佢高。可能我哋嘅體育項目比較特別，亦只係女子項目。」而順帶一提，巴西亦同教練迪堤續咗約，佢將會繼續帶領巴西，出戰22年卡塔爾世盃。至於日本足總就宣佈新帥，唔係雲爺爺而係續用土炮森保一。