早排Marvel上映嘅《復仇者聯盟3：無限之戰》全球大熱，而香港迪士尼樂園舊年開幕嘅「鐵甲奇俠飛行之旅」亦好受歡迎，噚日香港迪士尼樂園就宣佈咗，明年再有全新Marvel主題遊樂設施登場，今次主角係蟻俠（Ant-Man），命名為「蟻俠與黃蜂女：擊戰特攻！」個名同上映緊嘅Marvel Studios電影《蟻俠2：黃蜂女現身》好似，新遊樂設施會係「史達科技展」旁邊，香港迪士尼樂園仲話，直至2023年會進行分階段擴展計劃，並陸續推出更多Marvel主題嘅遊樂體驗，要致力打造香港成為超級英雄嘅亞洲基地喎。