話說朋友之間喺網上互相share相同片係好正常,不過噚日好多網民share一張新民黨葉劉淑儀去馬來西亞度假嘅相,而且係近乎洗版式咁貼,開頭好多人仲好興奮咁話「不能只有我看到」,但去到後來好多人已頂唔順,開始大叫「講還講,唔好貼相」。
話說葉劉去咗馬拉嘆世界,佢喺fb分享去咗檳城香格里拉度假村度假,仲幫襯平民按摩店,收費只係大約30令吉(約60港元)半個鐘,價錢咁平,葉劉一於體驗吓地道按摩服務,佢仲話為佢按腳嘅師傅,叫佢留意中東女客人「美腿」,笑言其雪白程度媲美中國人。
好多網民一開始不斷分享葉劉玉腿嘅相,紛紛話「不能只有我看到」,但可能張相真係太刺激,後來好多網民改為叫人「講還講,唔好貼相」;仲有網民無厘頭話,張相應該同村上春樹嘅小說《刺殺騎士團長》同級!至於點解就由大家自行參透。