黃子華金盆𠺘口開26場，場場滿至山頂位，觀眾合共32萬5千，就算以警方慣常賤招用「最高峰時」計數，兼夾唔准「中途加入」，觀眾數量都唔講得笑。陸離認為子華今次確實盡地一煲封盤，但陸離老公石琪唱反調認為，子華神大勇爆紅，冇可能收口。我也撐子華翻盤。俗語有云，見好就收，今時今日，見到好？無病係嘛。既然還有「見好」的「空間」，「就收」不算迫在眉睫。黃子華與維港，都係得一個，可以喺維港洗吓腳，失驚無神蓋一座豪華故宮博習帝like。但任由林鄭發辦「傾向」填咗個維港佢？香港人一定同你開片！用愛與和平，問候政府娘親！（別問娘親姓乜）話時話，有無人施壓叫停子華？當長者為兩百蚊甘願做黃牛黨的前哨逼爆售票處那一刻，我好懷疑林鄭點解唔蹲在老人家面前，每人塞五嚿水，塞到手軟。畫面肯定震撼過任何一次賑災！連任硬！
後無來者，黃子華難複製在他的才情（嘿，唔係才貌）。才情渴市，走過黃金時代進入玻璃世代的子華神，懇請擇日再開盤，神在做，人在看。