國內開賣了個多月的小米手環3，香港推出日子終於都有定案，7月24日就會開賣。相比上一代小米手環2，小米手環3機身變得較大，但換來是配備0.78吋128x80像素的觸控式屏幕，上下左右推用來揀選功能，底下觸控區用以返回及確認（長按），操作上都幾方便。
小米手環3大屏幕一次過可顯到24個中文字，每個訊息最多可顯示到3頁內容，最多能顯示到5個訊息，較上一代方便好多。除了可接收到WeChat訊息之外，記者試過，香港人常用的WhatsApp、LINE以及Telegram都用得到，大家使用時都可以放心。
功能方面，基本上檢查步數、距離、心跳率等大路功能都全部做得到，另外亦可顯示到今日、明日以及後日的天氣，功能都算唔錯。推出日子就已公佈，但小米香港仍未宣佈小米手環3的售價，但以大陸售價169人民幣去估計，小米手環3在香港的售價應約$199，若屬實的話絕對抵玩。
推出日期：7月24日中午12時
售價：待定
記者：布偉倫
攝影：周旭文
即Like全新飲食專頁【籽想好食】： https://www.facebook.com/food.appleseed/