勞工及福利局長羅致光（圖）嘅言論不時辣㷫社福界，已經唔係第一次，佢噚日以題為〈社會福利服務的規劃〉寫網誌話，一般而言，緬懷過去係老年人「專利」， 但近年香港成日有年輕一代「緬懷一些他們沒有經歷的過去」，又話唔少後生社工大講90年代初社會福利白皮書同其相關福利服務規劃工作，「有趣的是，連他們的社工老師大都沒有參與過該社會福利服務規劃的過程」，質疑班後生緬懷啲乜？點知段嘢俾人貼上網，即時有疑似係社工嘅網民寸佢，如果緬懷過去係老人家專利，用羅嘅邏輯，規劃未來應該都係後生仔「專利」，咁你羅致光係咪應該將社福服務規劃交畀後生去搞？