世盃決賽前，何輝和何Wayne均預測法國奪冠，結果一如他們所料，法國以4:2擊敗克羅地亞勇奪大力神盃。然而，不少人認為克羅地亞踢得較好但輸了球賽，亦有人認為法國勝出存在幸運成份。兩人昨日主持《如何講世盃》終極篇，分析法國贏波原因時，認為法國有足夠實力和適當部署去取勝。何輝說：「預咗兩隊波會穩陣行先，但呢場決賽真係比想像中多事發生：烏龍波、VAR判十二碼、又守門員送大禮，離晒譜。」
提到上半場一個爭議性的十二碼，間接令克羅地亞輸波，事後有不少歐洲名宿認為是誤判，何Wayne不認同：「真係改變咗波嘅路線，亦都係有動作，有理由判十二碼。」何輝近年亦多番強調，只要皮球在禁區內接觸到手，球證要判罰也不能怪責球證。
何Wayne提到克羅地亞在防守死球時出現一個頗為嚴重的問題，就是採用區域聯防而走甩對手：「如果人釘人，會唔會出現第二啲事？」何輝亦奇怪在今屆世界盃，不少球隊採用區域聯防守死球：「聯防唔係唔可以，但一啲要結合啲釘人戰術。第一球烏龍波，文迪蘇傑係爭咁啲運，因為呢啲波彎入嚟，衝到亂晒龍，好難怪邊個。」
至於，有人認為法國一味靠穩守反擊，場場波「悶悶哋贏」，何輝認為這是戰術一種：「法國穩守得嚟，佢哋唔係唔攻嘛。」他補充法國晉級沿途一直遇到考驗，阿根廷、烏拉圭、比利時都是硬仗，因此奪冠絕非僥倖。