求驗客手記：沙利︰轉會市場唔關我事

車路士新教頭沙利早前就話，佢對於轉會市場嘅事一啲興趣都冇，呢啲事應該交畀球會其他人去做喎。話說車仔之前嘅領隊干地，上季就係因為成日就羅致球員方面嘅事而同球隊高層反晒面，結果終於喺上個禮拜被人炒咗。家陣沙利就話佢自己只係一位場邊嘅領隊，球隊有咩人畀佢，佢就會制定合適嘅戰術，同令呢啲球員成長。順帶一提，車仔傳奇蘇拿亦都重返球隊，加入沙利團隊做助教。