求驗客手記：祖記賣C朗波衫夠回本

葡萄牙球星基斯坦奴朗拿度（C朗）早前就以1.05億歐元（約9.6億港元）身價轉投祖雲達斯，不過據報只係短短加盟咗一日，C朗已經幫祖記喺全球各地賣咗總值6,000萬美元（約4.7億港元）嘅波衫喇，換言之即係差唔多係身價嘅一半，認真犀利。當然，祖記唔可能將呢筆錢袋晒落袋，不過相信都可以收番600萬至900萬美元左右，一日就收咁多，回本睇怕都唔需要好耐。