西班牙《阿斯報》報道，西甲豪門巴塞隆拿鬧財荒，近日仲要同當地兩間銀行借貸一億歐元（約9.1億港元），用嚟為球會七月份嘅開支找數；報道仲話，巴塞已經係近一年嚟第二次同銀行借錢。雖然巴塞禮拜一先公佈上季錄得破紀錄嘅9.14億歐元收入，不過入不敷支就唔太掂喇，隊中班球星嘅人工竟然佔咗球會財政預算嘅84%，淨係美斯周薪已經超過50萬歐元，難怪巴塞要四圍撲水喇！