【服侍周到】
為了解美人計女主角「美容妹」Coco的生活，《蘋果》連日來展開追蹤，發現她和「表弟」阿杰背着阿勇偷偷拖手攬腰，更不時在男方屯門的私樓留宿。記者在Coco九龍區公屋寓所對質當日，發現身在屯門的阿杰，忙於應付其他女友人。他與另一熱褲女郎食飯，路途中又輕撫她的長髮，上樓短敍逾句鐘，離開時，阿杰細心地護送長髮少女到巴士站。
阿杰偕少女開餐
當日下午，阿杰留在屯門會友，中午專程由家中步行15分鐘到西鐵站，親自接一名長髮少女，齊嘆日本菜，餐後一改風度主動埋單，之後二人就沿路漫步，全程有講有笑。在行人路燈位前，阿杰舉起雙手扮狗仔動作，逗得長髮少女開懷大笑，互相嬉笑打罵。之後阿杰就帶長髮少女返回屯門家中，逗留約一個多小時才齊齊落樓。
離開時，阿杰細心地護送長髮少女到巴士站，其間不改「手多多」性格，邊走邊從後撫摸長髮少女的頭髮，又拍拍她的頭，甚有調情意味。
另有《蘋果》讀者爆料指，阿杰和Coco是屯門一間健身中心常客，以古怪聞名，「每次（Coco）去到嘅時候，都會幫個男仔（阿杰）攞啞鈴呀，幫佢做support（支撐）」。對阿杰服侍周到，但女方從不健身，亦不似健身教練，「佢幫個男仔之後就好唔專心玩電話，唔情願咁。」令不少健身友感到奇怪。據讀者張先生指，Coco並不是專門服侍阿杰，有時亦會帶同其他男士現身健身室，才引起其他健身人士留意。
■記者莊建鑫、阮 斌