圈中「多仔公」陳浩民，同大陸老婆蔣麗莎育有三女一子，大女陳雅薷，今年11月先滿7歲，但9月佢就已經升讀3年級喇！
蔣麗莎前日喺微博貼出一女嘅畢業相同一張背影相，佢留言話：「看著你遠去的背影，有一種即將送你出國留學的不捨，恭喜你9月即將步入小學三年級，人生本來就是一段學習的歷程，希望你勇往直前，不畏風雨活出絢麗的人生。」有網民感到奇怪，幼稚園畢業後，應升讀小一才對，留言了解，而蔣麗莎就回覆：「跳了兩級」，so so so amazing，雅薷跳了兩級，一上小學就讀3年級，真係好叻女呀！
對於大女陳雅薷幼稚園畢業後升小學，暑假後開學會醒目跳兩級，入讀小三，陳浩民昨日短訊回覆《蘋果》時話：「都是老婆功勞。」問到雅薷真係跳升小三嗎？浩民再解釋：「其實冇跳班，太太唔清楚學制，以為佢跳班啫，一個誤會。」原來係Lisa自己擺烏龍，計錯數。