暑假是剛出爐畢業生的「搵工」旺季，過去九十後甚至00後經常被人批評「冇份工做得長」，的確，現今年輕人不再單純是金錢奴隸 。在運動用品店工作逾10年的呀峰認為，年輕人工作嚮往自豪感。感覺不對，可以說走就走；感覺對了 ，亦可一做過十年。
「後生仔做嘢好睇氣氛，同事之間講互相感染，佢地做嘢亦唔鍾意單向化」，呀峰現時在海港城的GigaSports旗艦店擔任店舖高級經理，分店有30至40個同事，為了讓一班年輕員工做得起勁，呀峰不時調配員工的工作崗位，「每一兩個星期，佢地嘅工作崗位就要轉一轉」，現時分店主要工作包括：收銀、顧客服務、後勤倉務等。除了工作內容要「保鮮」，呀峰笑言：「後生仔要多少少自豪感」，公司層面會邀請運動界KOL（意見領袖）提供培訓，「後生嗰班同佢哋（KOL）上堂，影張相擺上網佢哋 （員工）會覺得都幾威」；上司層面則不要經常「擺款」，多稱讚多溝通。
別看呀峰樣子年青，其實他在GigaSports已工作14年。不少年輕人曾經做Sales，但絕大部分視之為「工作」，而非「事業」。能夠在同一間公司工作14年，是什麼令他留下來呢？「我睇到自己career path（晉升階梯），就有將來。」呀峰說，工作久了，自然期待有新的衝擊，在不同時間有不同晉升階段，不同職級遇上不同挑戰，現時呀峰除了管理分店日常營運，並會參與制訂公司員工培訓計劃等行政工作。
從事服務業不時要看人眉頭眼額，港人更是出名「難服侍」，不過，呀峰一次經歷，令客人到外地旅遊不忘帶他手信。他分享道，曾經有客人打算買新跑鞋到大阪參加馬拉松比賽，但他擔心客人不適應穿新鞋跑馬拉松，故建議穿著有避震功能的跑襪參賽，還讓客人在購買前試穿，客人反問：「吓？襪都可以試著架咩？」，客人最後買了一打，「唔係啲三、四十蚊嘅襪，而係百幾二百蚊一對；佢（客）唔係買一、兩對，係買一打！」，呀峰說當時感到喜出望外，該客人也成為自己熟客。
於GigaSports工作達12年的Debbie亦分享，曾遇過一個有輕微高低腳的日本客，對自己細心了解他的腳部情況，再推介合適波鞋感到非常滿意，此後客人每次來港都會到分店探訪她，雙方還交換電郵，凡公司推出新產品，她會親自電郵給客人；去日本旅行時，客人又會介紹當地好去處，由客人發展到朋友，令Debbie從事零售業多年，深感跟客人溝通和建立關係的重要性。