【本報訊】本港不少銀行戶口號碼長達14個位，但自動櫃員機轉賬時欠核實機制，容易因轉錯賬而蒙受損失。《蘋果》曾在匯豐、恒生及中銀3大行實測轉錯賬再向銀行求助經歷，發現職員全都「冇情講」，堅持要轉錯賬的記者填表申請退款，並坦言若對方拒退款「銀行都冇計」，客戶只可報警。
動用意外之財可囚10年
記者測試時，匯豐職員解釋：「我哋唔可以凍結對方戶口，如果對方真係唔肯退錢，會建議你報警求助。」恒生職員亦指若對方不退款，事主或要考慮是否報警。中銀女職員則說：「銀行唔知你同個戶口持有人到底有乜瓜葛，所以銀行唔可以自行決定退款畀你。」測試發現3大銀行常大排長龍，市民要輪候大半小時甚至一小時才能索取退款申請表格，甚為不便。
大律師陸偉雄警告，若市民戶口因他人轉錯賬忽然多了巨款，而動用該筆意外之財；或經銀行通知後仍拒歸還款項，均可能觸犯盜竊罪，最高可判監10年。
陸認為警方有法理依據受理轉錯賬苦主的報案，因收款人有機會動用該筆金錢而觸犯刑事罪。他亦表示警方或考慮事件的刑事成份不足而未行動，市民其時仍可循民事途徑，向錯誤收款人提民事索償。
■記者金敏琍、簡明恩