【本報訊】百富勤當年以「野」見稱，金融手段創新，有點踩界，但又合法。高寶明旗下茂宸連番交易亦有當年影子，「我咁多年生涯，喺百富勤學到嘅，就係創新。唔能夠市場做咩嘢，我哋跟住佢做咩，我哋要突圍而出，為股東謀求回報；當年喺歐美壟斷嘅投行市場，我哋可以為中國企業融資，老實講，百富勤團隊係功不可沒，將中國股票市場帶動。我哋配售股票嘅方式，做中信泰富（267）Covered Warrant（備兌權證），當時市場好領先。」
高寶明續說：「喺百富勤亦都學到穩健、控制風險，見到機會，但你個風險點控制呢？呢方面咁多年嚟好深刻認識到。呢一次茂宸，係見到金融服務平台發展，但個個都做緊，你點突出？所以就諗到產業加金融，但整體都係風險同人嘅管理，要激勵管理者，但亦要管理風險。」