「好開心，直至上星期仲要凌晨一點幾返嚟，病人急性腸胃內出血嚴重要幫手，呢啲時間話我知我仲係醫生，唔係純粹行政人員。」中大醫學院院長陳家亮上任已經四年多，職位原本不需要教學、科研及醫治病人，他卻堅持「on call」及帶學生上病房教學，近年更執筆寫平日所見所聞，希望公眾了解醫生並非高高在上，不是特別叻或超然，醫生也是人，有不足要學習的地方。
提起醫人，陳家亮仍然一臉興𡚒。他現時仍在威爾斯親王醫院腸胃科，治療急性腸胃出血/膽血發炎團隊的輪更名單上，「一個月都要call 4、5次，剛開始年輕醫生打嚟會好驚，講幾次院長，對唔住呀，唔好意思……我叫佢直接入正題啦」，一次生兩次熟，前線很快習慣了有個院長會on call，更知道他是一隻貓頭鷹，凌晨三、四時才睡，加上每次返醫院工作院長勁興奮，「佢哋都好樂意畀機會我興奮」。
手機寫專欄 捽到手指痛
除臨床工作，他亦維持教學，除課堂講書，更每兩周帶學生入病房學習。3年前，他又投入寫專欄，每周一篇至今已累積過百篇文章，最近結集出書《吾生有杏─院長醫生週記》，周三會在書展開講座，與為他撰序的商界名人陳南祿一起談做人。他強調，所有文章均為親筆力作，並無假手於人，「我用手機寫，手寫輸入法，篤住個mon捽，寫到手指頭痛。」
行政、教學、臨床工作將時間排得滿滿，他每日只睡4小時，能分給家庭的時間有限，他坦言對家人一直虧欠，尤其是兩名分別15及17歲的寶貝女兒。幸好，他與女兒相處像朋友一樣，「最鍾意一齊玩一齊傾偈，佢哋唔開心搵人講會願意搵我講」。他與太太均為醫生，剛中學畢業的大女卻指，「樣樣都有興趣除咗讀醫」，陳爸爸指沒有所謂，他從來不是望子成龍的人，最重要她們能做個開心快活人。
五年院長任期至明年初，能否續約由大學決定，他強調做院長做得很開心，從事教育是想培養與他理念一樣的人，做出一個公營及私營醫療體系以外的第三個醫療體系，「想做一個不一樣嘅醫生，帶出新醫療體系，但要有相同思想的人」。