香港旅發局今年喺10月14日再搞單車節，歐洲嘅Hammer Series單車賽事仲首次喺單車節期間，在港舉行最後一站賽事，到時會有11支國際單車聯盟世界巡迴賽車隊（UCI WorldTour Team）參與，進行競速賽及追逐賽，挑戰超過64公里路程，令香港市民有機會睇到國際級單車賽事。
除咗國際賽之外，今年單車節繼續有50公里組同30公里組賽事，50公里賽名額亦由之前500個名額至3,100個，路線跨越本港6區，挑戰三隧三橋；至於30公里組名額增加300個至1,800個，而今年贊助單車節嘅新地更特別增設一個新地粵港澳大灣區青年盃，邀請粵港澳大灣區11個城市年輕人參與，都可謂緊跟北京路線！市民有興趣參加比賽，可於本月21日上午10時起，係網上報名（ http://register.hongkongcyclothon.com），不過所有參加者均要出席並通過大會安排嘅單車技術評核，先可以參賽。