立法會上周舉行本立法年度最後一次大會，而待本周的事務委員會、小組委員會完成最後一次會議後，立法會正式唞暑至10月。其中財務委員會本周連開3天會議，冀趕尾班車通過大量撥款，而特首林鄭月娥上周出席立法答問時已打開口牌，直言要在暑假前通過1,700億元的工程預算；據了解，政府內部曾開出要求，認為至少要通過議程上15個項目，但至昨天只通過5項。而今日只剩4小時會議，能完成審議10個項目可能性不大，官員願望恐落空。
據聞政府內部希望滿足林鄭的要求，着力在暑假前通過15個項目，但民主派拒絕配合，有民主派諷刺政府太開胃，指15個項目中有關寮屋收地特惠補償和安置方案，「就連建制都要提問喇，唔係淨係泛民唔畀（通過），要有合理時間囉！」據知泛民亦有戰略考慮，以免通過撥款令部份排在尾的爭議項目失守。
陳健波料通過一半項目
財委會主席陳健波承認政府有提出要求，但指自己不一定配合、亦非硬任務，「佢（政府）𠵱家加人工畀我呀？做乜我要聽佢講，過得幾多就幾多囉」，他指今日完成4小時會議後不會再加會，估計暑假前只能通過議程上一半、即約7個項目；至於會否為了達標而剪布？陳指：「如果（項目）淨係委員會問過，都要畀時間議員問；如果工務問過就可以快少少囉，但都要（審議）一個鐘左右。」
李八方