失去咗C朗後，皇家馬德里想盡快搵人替佢，啱啱幫比利時攞到世盃季軍嘅車路士中場夏薩特成為頭號目標。唔止夏神，西班牙《阿斯報》仲爆料話皇馬想買埋佢嘅隊友泰拔高圖爾斯，夾埋起碼要使成2.2億鎊！報道話，車仔為夏神標價約1.9億鎊，而因為高圖爾斯下年就會約滿，所以價錢比較平，只係要大約3,000萬鎊。