趣趣地：曼城衞冕得1.53倍

世盃曲終人散，英超其實淨番26日就開波，足智彩周一開出冠軍賠率，上屆以100分封王嘅曼城（圖），理所當然係頂頭大熱，𠵱家買佢喺18/19球季英超衞冕成功，只得1.53倍，次熱係上季英超殿軍兼歐聯亞軍利物浦，賠率係4.5倍。第三熱門先輪到上季亞軍曼聯，賠率係六倍，𠵱家紅魔只係簽入費特洛迪古斯一個新兵箒；熱刺、車路士緊隨其後係9.5倍同10倍，換咗艾馬利教嘅阿仙奴就有15倍排第六。