多經典的雷神莫雷拉，一剎那今日（15日）之後，便離開我們，這位神級騎師，究竟留下甚麼回憶給我們呢？
話說當日雷神初次來港，便是2012年國際騎師錦標賽，他贏頭關「連戰連勝」及尾關「魅力星」（已退役）攻下國際騎師錦標賽總冠軍榮銜。
話說韋達輝煌時代，已經連續六年取得最受歡迎騎師，但到2013至2014馬季，雷神此季憑馬迷38,150票，於達少手上搶奪最受歡迎騎師殊榮，一直至今年，他共四次獲得這個獎項。
14-15年馬季，雷神創下第一項神績，他以145場頭馬，首度榮膺香港冠軍騎師寶座，破達少05/06年馬季所創下的114場頭馬紀錄，其後兩年頭馬數字，更逐步推高。
16/17年度，他更創出這個痴線的一日八場贏馬紀錄。另外，更厲害紀錄是季內曾連贏43個賽日。
須知期間不但要手風順，還要不受傷缺陣、不停賽、不請假外出，真的可不簡單呢！唔通到地球毀滅時，都無人能破連贏43個賽日此紀錄？
亦是16/17馬季，他策騎日本馬「里見皇冠」擊敗大熱門「高地之舞」攻下香港瓶，成為第二位國際賽大滿貫騎師，即是贏過晒四場國際賽。
之後再憑「佳龍駒」，個人第一次勝出香港打吡，並且幫此馬成為史上首匹四歲三冠馬王。
去到今季，雷神雖然成績有少少下滑，冠軍騎師寶座可能給潘頓取得，不過神始終都係神，他的成就依然無人否定。
講到煞科，唔多唔少都要講吓投注額，事關截至剛周三，經過87個賽日嘅洗禮，今季其實已經破咗去季投注總額紀錄，證明香港嘅馬照跑，真是越來越旺場。