荷李活巨星，有份主唱今屆世盃主題曲嘅韋史密夫（Will Smith）話，日本球星本田圭佑（圖）係今屆世盃最型仔球員。呢名著名荷李活演員話，基斯坦奴朗拿度固然係頭號型仔球星，而本田圭佑亦都係佢其中一位至愛。韋史密夫話：「你知道我仲鍾意邊個球星？係本田圭佑啊，我同佢都算認識，佢係最型嘅！我好欣賞佢嘅心態，佢係一個真正嘅運動員，心地好善良嘅老友。」