四人樂隊Supper Moment（SM）登陸紅館喇！SM入行超過十年，歌迷一直要求他們在紅館開騷，今次SM終於申請到，優先訂購更瞬間被秒殺。能在紅館開騷，SM日前接受訪問時表示十分驚喜：「登陸紅館，全部都係emoji表情，拍爛手掌、放煙花、笑到喊嘅樣。」原來他們入紙三年：「紅館唔係你話想入就去得，由第一次入紙到𠵱家有三年。開頭有啲徬徨，好多前輩同我哋講，不停入係唯一方法。」
想霆鋒鄭秀文捧場
這時候突然有音樂響起，原來有兩位小歌迷大唱《小伙子》送驚喜。SM四子起初不懂反應，他們之後一齊jam歌好溫馨。問到會否想請霆鋒做嘉賓？他們表示不單止霆鋒，鄭秀文、楊千嬅曾拍片祝賀他們，Sunny笑言：「如果真係請佢哋做嘉賓，恐怕成個演唱會，我哋唔使上台玩，佢哋玩晒！」
採訪：何德、倩宜
場地提供：Spark bar and Restaurant
