世盃求驗客：沙基利投紅軍抵到爛

利物浦官方上星期五宣佈，已經喺史篤城度簽咗瑞士國腳梳頓沙基利，而且會取代離隊轉投祖雲達斯嘅安利簡恩，做紅軍新23號仔。利物浦個聲明就冇講到呢單轉會用咗幾錢，不過據《ESPN》報道，紅軍係直接買斷佢同史篤城張合約，而因為史篤城已經降班，所以買斷費都只係1,300萬鎊（約1.35億港元），難怪紅軍主帥高路普都話呢單交易抵到諗都唔使諗呀。