「金刀梁」梁智鴻醫生近期除咗喺電視台主持清談節目，仲寫咗本書喺書展趁墟，叫《理性的呼喚──從手術室到社會大舞台》，紀錄三十幾年公職生涯。佢話最感觸嘅始終係沙士一役，自己亦因呢件事辭去醫管局主席一職。佢話唔覺有遺憾，但八方睇佢喺書入面，似乎仲係耿耿於懷。
金刀梁喺書入面用好批判嘅語氣寫，唔滿意當年立會議員咄咄逼人嘅態度，亦冇真正關心過醫護人員。事後立法會成立專責委員會，更係一次「要見到『人頭落地』的『獵巫行動』」，所以佢決定自己承擔政治責任。佢仲自爆2002年搞急症室收費，最初建議收200蚊一次，但政府驚會激起民憤，先改做100蚊。𠵱家急症室都係收180蚊，係咪要再加呢？講明唔會對以前服務過嘅機構指指點點嘅佢，即刻收口。他又笑言，全書只花了數個月時間寫成，「大部份都係手術與手術之間嘅空檔坐低寫」。