【玲機一動】松岡李那早前上咗《玲機一動》做嘉賓，先後同林德信及澳門猛人洗米華傳過緋聞嘅松岡自爆，佢拍拖次數一隻手數得晒，松岡話：「五個，初戀係西班牙人，亦同過香港人拍拖。」經理人王友良爆佢有好多韓國男仔追，松岡就話：「香港男仔有好重嘅存在感，韓國就好strong，澳門？哈哈，我都唔知，冇同過。」
麥玲玲讚松岡嘅額頭生得夠高，可以配年紀大少少嘅男人，而且佢適應力好強，好適合做異地新娘，不過松岡面上的痣會影響姻緣。玲玲話：「眼下面嘅痣好易有三角關係，但男仔就覺得感性啲。而法令嘅痣會影響健康，易整傷腳。」
35歲有真姻緣
松岡話日本人好鍾意面上有痣，所以從來冇諗過脫，但又好擔心自己嫁唔出，因為今年已經32歲，但連男朋友都冇，而爸爸就話好想抱孫，玲玲師傅話：「今年唔得，出年唔得，最快都要35歲先有真姻緣。」
場地提供：唐人館