泰山今日又帶大家到日本東京食好西，不過食好西前先做點運動，踩單車遊皇宮，打完卡出完一身汗，再吃一碗夏季限定的超甜番茄冷麵，正呀喂。
踩單車？怎樣租單車呢？上網找「Docomo Cycle」，Click進去，有日文或英文指示，跟着指示做就可以。成功登記與訂車後，你電郵信箱會收到指定單車的開鎖碼。去你已選定的單車站取車，輸入開鎖碼，就可以開始踩單車了。租單車只收取信用卡，30分鐘只需150𨨥租金，以圍着皇宮踩計算，一小時必定踩完。當然皇宮有地方不能踩單車進去，要放低單車，才可入去參觀。計算約前後兩小時，都只是600𨨥租金，很便宜！還有，單車附電動摩打幫你一把，還有波箱，上斜坡沒難度。和取車時一樣，任何Docomo Cycle單車點，也可以歸還單車。歸還單車時，記緊要按掣停止計時，然後你會收到電郵，確認你已停止租車，和顯示你需要付多少錢，而且是月底才計數呢。
踏畢單車，當然去吃拉麵！這間「Due Italian」有個夏季限定的番茄Collection冷麵，我覺得好值得去吃。大廚石塚和生，每個夏天會嚴選九種番茄做冷麵，視乎供應，但每碗必定有六種番茄和一粒士多啤梨。番茄非常甜，單單只有番茄汁、橄欖油和蘿勒，這碗麵已經好吃到不得了。此店還有一碗非常出名的芝士拉麵，我當然不會錯過，嗯……好味，大滿足。
Due Italian 市ヶ谷本店
地址: 東京都千代田区九段南4-5-11 富士ビル1F
網址 : https://www.dueitalian.jp
租單車網址: http://www.docomo-cycle.jp
採訪／攝影：泰山、AK
即Like全新飲食專頁【籽想好食】： https://www.facebook.com/food.appleseed/