菲臘比古天奴（小圖）上季季中先由利物浦轉投巴塞隆拿，但短短半季就傳離隊。根據西班牙媒體報道，巴黎聖日耳門（PSG）正報價2.7億歐元（約25億港元）收購古天奴。26歲嘅古天奴半季中喺聯賽上陣18場攻入八球，表現合格有餘。佢亦有入選巴西嘅世盃大軍，但就喺八強出局。報道指，PSG希望收購古天奴，以挽留隊中另一位巴西巨星尼馬，阻止佢轉投皇馬。另外，已經登陸PSG嘅保方，周二正式喺巴黎亮相，同球迷打招呼。一眾球迷都非常熱情，又放煙花又舉旗又載歌載舞歡迎佢。呢名40歲門將豪言，即使轉戰法國，都有信心可以成為球隊嘅一號門神。