本周三晚(11日)上演今季谷草最後一戰，翻查紀錄，賀賢馬房在對上兩季谷草煞科戰均有馬贏，上季同晚出六駒更交出兩冠兩亞一殿佳績。
今次賀賢戰馬中，第二場四班1200米的「索先生」上仗在三班已交出不俗追勁，今仗降入四班，有力替馬房延續谷草煞科戰之佳績。
「索先生」上仗在三班角逐谷草1000米，該役步速頗慢，頭兩段34秒44，是今季三班或以上同程賽事最慢之段速，結果由守前兩位之「月追越風」及「夢想成真」食正步速之利下包辦連贏。
反觀「索先生」在不利後追下，能交出全場最快末段時間22秒22，從尾叠追上跑第六，僅落後頭馬兩個半馬位，難度其實甚高。今仗「索先生」降入四班轉爭入過Q的谷草1200米，只要能交回上仗之竄勁，騎練史卓豐、賀賢便可望繼上季「勤德兼備」後，再於谷草煞科戰合作贏馬。