已接過兩次警告信嘅練馬師李易達，再有差池肯定冇得留低，今季他暫得14Win（截至7月4日賽後為止）尚未達標，目前形勢危急存亡，在餘下賽事務須贏多兩Win，以保住牌照。
睇睇李易達的養馬陣容，馬房的救命頭馬，可能在下周日（15日）煞科戰出現，由潘頓幫李易達達標埋齋都未定，關鍵就在於一匹灰馬「有衝勁」。
點解咁講？話說昨早（7日）有個異動，就係潘頓專程到場，全朝獨操一匹「有衝勁」，認真俾面李易達。
「有衝勁」暫時無賽程，但估計會報煞科日五班草地1800米，作為李易達最後救命攻勢，一早book定潘頓跑顯示決心，騎練二人，一個要爭冠軍，另一個力求上岸，可以講一拍即合！
「有衝勁」歷來三戰五班賽得1冠1亞，連仗跑泥地減至本身新低的38分後，即部署回師贏馬的田草1800米，日前由潘頓試閘跑第一，已磨利狀態，就等呢鋪全力一擊，達哥能否保住飯碗，隨時繫於此駒身上。