《宮心計2深宮計》今晚就播大結局，由於點擊成績理想，一班演員輪流「找數」。昨日又輪到「南宮司設」康華，雖然佢已經46歲，但樣貌同身材都keep得好好，佢着咗一條大露背蝴蝶結碎花裙，大騷S型玉背，加上有美圖白白啦，康華嘅肌膚白滑無比，絕對可媲美 一眾20+ O靚模嘅寫真。
康華留言﹕「《找數》在此感謝每一位喜歡南宮司設的各位，衝破31億了！多謝每一位支持#宮深計2深宮計的朋友們！我也很喜歡這個角色！深夜見笑，你們繼續支持，我繼續努力，愛你們@宮心計2深宮計 #南宮司設 #康華 #深宮計」。而佢噚晚仲去咗撐皇帝同皇后，即係馬浚偉同胡定欣嘅舞台劇，唔少劇中演員羅霖、謝雪心、李隆基等都有撐場，康華仲撞見二十幾年冇見嘅周慧敏﹕「親愛的你（刀馬旦)二十幾年相遇在今天，可愛的你為甚麼依然美麗動人，還記得我們所有人。」