世盃求驗客:保方下周一入豪「門」

世盃求驗客:保方下周一入豪「門」

法國傳媒報道,法甲豪門巴黎聖日耳門(PSG)打算喺下周一正式公佈意大利傳奇門將保方(圖)加盟。今年初滿40歲嘅保方,自五月確定唔會同效力17年嘅祖雲達斯續約開始,已經一直同PSG扯上關係。報道指,保方喺通過體測後,將會以一年死約、一年生約嘅方式,加盟PSG兩年。保方嘅加盟肯定會影響PSG上季正選門將艾路拿嘅上陣機會,不過呢位25歲守門員一直視保方為偶像,所以一直對保方加盟持開放態度。征戰球壇多年嘅保方奪冠無數,除咗2006年幫意大利贏得世界盃冠軍之外,佢亦九次助祖雲達斯贏得意甲。不過,保方雖曾三次出戰歐聯決賽,但始終未嘗奪冠滋味。