呢期唔少星二代去咗巴黎行騷，因為演出韓國育兒節目《超人回來了》而為人熟悉嘅「得意妹」秋小愛近日亦都首度亮相巴黎行騷，唔知算唔算係最年輕嘅星二代行騷呢？今年10月小愛就7歲嘞，佢遺傳咗模特兒媽咪矢野志保嘅優點，年紀輕輕已擁有一雙長腿，有望步阿媽後塵以模特兒入行。
而近日小愛唔使等大個咗先做模特兒，仲首度踏上天橋，小愛喺法國時間嘅4號，喺巴黎做模特兒行騷，唔知佢係唔係習慣面對鏡頭，所以行騷時一啲都冇怯場，仲表現得好專業，睇嚟媽咪畀咗唔少貼士佢，而小愛爸爸秋成勳亦有親到現場睇愛女處女行騷。
另外，現時小愛同父母已移居到夏威夷居住，有指因為矢野志保喺節目上談及教導女兒嘅放任式教育受到抨擊，所以有傳佢哋先移搬到夏威夷住。