黃子華連續26場、最後棟篤笑「金盆𠺘口」前晚正式開鑼，不少忠實粉絲都前來捧場。子華早前曾說過今次棟篤笑100%全香港話題，但卻有內地觀眾表示最愛聽他講兩岸友好。
梁氏姊妹
我哋以前都有捧子華場，近年香港政府好莫名其妙，仲拉啲年輕人坐監，希望子華可以涉獵到呢個話題。最有印象嘅係子華「無炭用」嗰陣，講沙士嘅事情真係一語中的，我諗佢今次話題會圍繞黃絲帶、新政府同世界盃呢啲嘢。
阿哲
我來自上海，14年曾在廣西看過子華做騷，我經常來港，有留意香港的事情，又聽得懂廣東話，最愛聽他講兩岸關係的友好，就算話題敏感都沒所謂，因為我思想很開放的。
黃先生
睇咗黃子華棟篤笑已經五、六次，只要佢今次講水準可以媲美90年代就夠，內容當然最好係圍繞民生。