背囊是不少男生必備品，更是窮遊人仕的最愛。不過一個真正的好背囊，卻不容易找，容量夠大是基本，用料夠轉是重點，耐用唔易爛又可缺少，當然唔少得的間隔夠多啱用......而近日就有香港本地品牌Doughnut，推出聲稱近乎完美的背囊。話佢近完美未必係吹水，因為這個背囊，邀請了9位香港的旅遊達人，包括薯伯伯、狼之、Chary（超級查花飄遊記）等參與創作設計，把他們旅行和日常對背囊的需要和要求，加到今次這新背囊「Traveler」之上。
Traveler有35L和45L兩款選擇，並用上旅行背包常見的Roll Top設計，可以按需要放大或縮小。用料上就用上Cordura 1000D防潑水布料，耐用度高，亦有高擋水功能，加上所有拉鍊都是用上防水拉鍊，並附有Rain Cover，真係幾大雨都唔驚。
間隔設計上，Traveler下方設有獨立間隔，可以放相機，放鞋，放衫都得；同時亦設有電腦保護隔，和方便的索帶伸側袋，背包外邊的內袋可儲物亦同時有防盜的網袋。比較特別是針對背包旅行友存放不同物資，背包 附送多個收納袋可以讓大家好好收納物品，加上一個可以獨立用或扣上背包的小袋，間隔相當足夠。
除了旅行背包最常見的黑和深綠色，今次Traveler更有卡其色和較特別的藍配紅色，女生孭都唔會太過剛陽，加上簡約得黎又頗多實用細節的外型設計，相信真的會得到不小旅行人仕的歡心。更重要的是每賣一個Traveler背包，都會在收益中向兩個慈善團體 Make a Wish 及善遊各捐出$50，買袋兼做善事！
記者：韓繼聰
即Like全新飲食專頁【籽想好食】： https://www.facebook.com/food.appleseed/